ئاگاداری ئەو گەشتیارانە ده‌كرێته‌وه‌ كه‌ ئارەزوی کڕینی دۆلار دەکەن

بانكی ره‌شید ئه‌مڕۆ سێشه‌ممه‌ كردنەوەی سەكۆی ئەلیكترۆنی بۆ فرۆشتنی دۆلار بە نرخی فه‌رمی به‌و هاوڵاتیانه‌ راگه‌یاند كه‌ ده‌یانه‌وێت گه‌شت بكه‌ن، خزمه‌تگوزاریه‌كه‌ش له‌ كاتژمێر 8:00ی ئه‌مشه‌وه‌وه‌ كارا ده‌بێت.

بانكی ره‌شید ئێواره‌ی ئه‌مڕۆ سێشه‌ممه‌ له‌ راگه‌یه‌ندراوێكدا باسی له‌وه‌كردوه‌، رێگه‌یه‌كی نوێ بۆ پێدانی دۆلار بە نرخی فه‌رمی به‌ گه‌شتیاران ده‌گیرێته‌به‌ر، پێویستی بە حیجزکردنی پێشوەختە هه‌یه‌ له‌لایه‌ن گه‌شتیارانه‌وه‌ له‌ رێگه‌ی په‌یجی فەرمییه‌وه‌، به‌ر له‌ گه‌شته‌كه‌شیان له‌ رێگه‌ی فڕۆكەخانەی نێودەوڵەتیی بەغداوه‌ دۆلاره‌كه‌یان پێده‌درێت.

ئەم رێکارە ئاسانکاری دەکات بۆ هاوڵاتی بۆ کڕینی دۆلار بە شێوەیەکی ڕێک و پێک

ئاماژه‌ی به‌وه‌شكردوه‌، ئەم رێکارە ئاسانکاری دەکات بۆ هاوڵاتی بۆ کڕینی دۆلار بە شێوەیەکی ڕێک و پێک، هه‌ریه‌كه‌ له‌ گەشتیاران، خوێندكاران و كەسانی نەخۆش دەتوانن سودمەندبن لە وەرگرتنی دۆلار بە نرخی فه‌رمی.

هێشتا هه‌ر 100 دۆلار زیاتر له‌ 20 هه‌زار دینار له‌ بازاڕه‌كاندا گرانتره‌

له‌ سه‌ره‌تای ساڵی رابردوه‌وه‌ به‌های دۆلار به‌رامبه‌ر به‌دینار له‌ بازاڕه‌كانی عێراق و هه‌رێمی كوردستان به‌راورد به‌ نرخی فه‌رمی جیاوازییه‌كی زۆری هه‌یه‌، سه‌ره‌ڕای ئه‌وه‌ی بانكی ناوه‌ندی عێراق چه‌ندین رێگه‌ی گرتوه‌ته‌ به‌ر به‌ڵام هێشتا هه‌ر 100 دۆلار زیاتر له‌ 20 هه‌زار دینار له‌ بازاڕه‌كاندا گرانتره‌، یه‌كێكیش له‌ رێكاره‌كان پێدانی دۆلاره‌ به‌ گه‌شتیاران.

نرخی نه‌وت ئه‌مڕۆ چوارشه‌ممه‌ جارێكی دیكه‌ له‌ بازاڕه‌كانی جیهان به‌رزبونه‌وه‌ی به‌خۆوه‌ بینی، به‌وته‌ی شاره‌زایانیش، یه‌كێك له‌هۆكاره‌ سه‌ره‌كییه‌كان بۆ ئاماژه‌كانی به‌رده‌وامی دابه‌زینی پشكه‌كانی ئه‌مریكا ده‌گه‌ڕێته‌وه‌ كه‌ كورتهێنانی جیهانی له‌مساڵدا سنوردار ده‌كات.

به‌پێی ئاژانسی بلومبێرگ، نرخی به‌رمیلێك نه‌وتی خاوی برێنت 0.34 دۆلار به‌رزبۆته‌وه‌ كه‌ نزیكه‌ی 0.44%ی نرخه‌كه‌ی ده‌كات و گه‌یشتوه‌ته‌ 77.93 دۆلار، نه‌وتی نه‌وتی خاوی رۆژئاوای ته‌كساسیش 0.38 دۆلار به‌رزبۆته‌وه‌ و گه‌یشتوه‌ته‌ 72.62 دۆلار.

ڕێژه‌ی كۆگاكانی سه‌رتاسه‌ری وڵات به‌ بڕی 5.2 ملیۆن به‌رمیل كه‌میكردوه‌

دامه‌زراوه‌ی نه‌وتی ئه‌مریكی ڕایگه‌یاندوه‌، له‌ هه‌فته‌ی ڕابردودا ڕێژه‌ی كۆگاكانی سه‌رتاسه‌ری وڵات به‌ بڕی 5.2 ملیۆن به‌رمیل كه‌میكردوه‌، هه‌روه‌ها ئاسته‌كانی ناوه‌ندی كوشینگ دابه‌زینی به‌خۆوه‌ بینیوه‌.

ئیداره‌ی زانیاری وزه‌ پێشبینیشده‌كات تێكڕای نرخی نه‌وتی خاوی برێنت بگاته‌ 85 دۆلار له‌ مانگی (ئازار/3)ی ئه‌مساڵ

ئیداره‌ی زانیاری وزه‌ی ئەمریکا له‌ پێشبینیی مانگانه‌یدا ئاماژه‌ی به‌وه‌ كردوه‌ كه‌ خواستی جیهانی له‌ ساڵی 2024 به‌ بڕی 120 هه‌زار به‌رمیل له‌ ڕۆژێكدا له‌ دابینكردن زیاتر ده‌بێت، پێشبینیشده‌كات تێكڕای نرخی نه‌وتی خاوی برێنت بگاته‌ 85 دۆلار له‌ مانگی (ئازار/3)ی ئه‌مساڵ.

نه‌وتی خاو له‌ سه‌ره‌تای ئه‌مساڵه‌وه‌ هه‌ڵاوسانی به‌خۆیه‌وه‌ بینیوه‌ و له‌ چه‌ند ڕۆژی ڕابردودا تا ئێستا به‌ یه‌كه‌وه‌ به‌رزبوه‌ته‌وه‌ و دابه‌زیوه‌، ئه‌مه‌ش له‌كاتێكدایه‌ بازرگانان هه‌وڵده‌ده‌ن چاوه‌ڕوانییه‌كان بۆ چاره‌كی داهاتو پێوانه‌ بكه‌ن.